قدم الفنان الشاب علي ربيع اعتذاره لجماهير نادي الزمالك بعد السخرية من نادي الزمالك في أولى حلقات عرضه المسرحي "طابور العرض" ضمن عروض مسرح مصر، و تب ربيع علي حسابه الشخصي إنستجرام "المسرحية يا جماعة عبارة عن هزار وضحك وبغض النظر عن الموضوع اللي بنتكلم عليه".

وأضاف "الناس اللي بتشتم واللي كلامهم بيدل على البيئة اللي اتربوا فيها ده مش حب في نادي الزمالك العريق، باللعكس دي قلة أدب وخصوصًا البنات اللي عارفة نفسهم".

وأنهي ربيع كلماته قائلًا: "باعتذر لكم عن أي سوء فهم أو لبس في الموضوع لأن كلنا عارفين إن نادي الزمالك عريق ومحبوب من معظم المصريين وده مش معناه إنك جبت ورا يا ربيع والكلام اللي هيتقال منكم بالعكس ده لأني مينفعش أزعل الناس المحترمة اللي احترمتني وشجعتي عشان أكون في المكان ده بعكس الناس اللي بتشتم وتنتقد بطريقة عشوائية كلها شتايم وعدم احترام للموجودين على الصفحة".