• 19 رمضان 1445
  • 29 مارس 2024

عاجل ميادين مصر

متضررو حادث طريق «مصر-الإسماعيلية» يروون لحظات الرعب: كنا نهرب من الموت

حادث طريق «مصر-الإسماعيلية»
حادث طريق «مصر-الإسماعيلية»

"اللحظات دي عدت عليا وعلى الناس اللي كانت على الطريق كأنها سنين، النار كانت بتجري ورانا، كأننا في حرب وبنهرب من الموت، وإحنا بنحاول ننقذ نفسنا وعربياتنا"، بهذه الكلمات بدأ محمد عرابي، 40 عاما، مهندس في جهاز التجمع الخامس، حديثه مع "الشروق" حول واقعة حريق خط البترول على طريق (مصر-الإسماعيلية) الصحراوي.

لعبت الصدفة دورها في هذا اليوم مع عرابي حتى يكون ضمن متضرري الحادث، حيث كان ذاهبا لأحد أماكن المرور التابعة لعمله في منطقة التجمع الخامس، وكان عليه أن يسلك هذا الطريق: "وأنا نازل من الدائري لقيت الدنيا مقفولة والعربيات بتمشي ببطء شديد، وأول ما نزلت على الطريق اكتشفت أن في مازوت على الطريق، وأنا بحكم شغلي عارف خطورة الموقف، وفضلت أحاول الرجوع ولكن الطريق كان مزدحما".

ووسط محاولات عرابي لكي ينجو بنفسه وسيارته، تفاجئ باشتعال النيران في إحدى السيارات التي كانت تقف خلفه، ويفصله عنها مسافة 10 أمتار تقريبا: "أول ما العربية ولعت وكلنا شوفنا النار، العربيات بدأت تتخبط في بعضها، وكله بدأ يطلع على الرصيف، وطبعا النار بدأت تمشي مع المازوت اللي موجود على الطريق، وكأنها بتجري ورانا".

وتابع: "حاولت أنزل نفق السلام الجديد، ولكن النفق كان فيه 2 متر مازوت، ومانزلتش؛ لأن النار كانت بتقرب جدا، وبعدها حصل انفجار في اتجاه معرض سعودي، وبقت النار ورايا وقدامي، وقتها أنا سبت العربية، ونزلت أجري وأول ما نزلت النار مسكت فيها".

يتذكر عرابي أحد المواقف التي وصفها بأنها "لا تُنسى": "كان في واحد في عربية مرسيدس، من الواضح أنها ليست ملكه، أو يعمل عليها، مكنش عايز يسيب العربية لحد آخر لحظة، والنار وصلت له، والناس نزلته ورجله ماسك فيها النار، وكان يوجد أيضا سائق ميكروباص، نزّل الركاب، وكان بيحاول ينقذ العربية لكن ماعرفش، وفضل يصوت في وسط الطريق عربيتي موديل السنة ولسه مدفعتش أول قسط فيها".

عرابي أكد وجود خسائر ومتعلقات مادية له كانت داخل السيارة، والتي كان من أهمها جهاز لاسكلي يعد عهدة معه من جهة العمل، وبعد انتهاء الحريق عثر عليه محترقا وكان عبارة عن قطعة حديد، بالإضافة إلى الأوراق والمستندات الخاصة به.

بينما يقول علي أنور، 50 سنة، مدرس في مدرسة السلام: "ده الطريق بتاعي كل يوم للشغل، وتحديدا الساعة 2:30 من أول موقف العاشر الطريق كان واقفا، وفجأة بابص لقيت ورايا نار، وفضلت ماشي لحد ما وصلت لحد الساتر الترابي، وطلعت على الرصيف وفيه شبر مازوت، جيت أعدي، عجل عربيتي بدأ يلف على الفاضي، وكانت النار حواليا من كل اتجاه، وأول ما لقيت النار في العربية؛ هربت طبعا منها وسبت السيارة لأن النار كانت شديدة جدا".

وتابع: "كنا عاملين زي السندوتش، النار حوالينا من كل حتة، ومطلوب مني علشان أنقذ نفسي وعربيتي أعدي من فوق رصيف طوله 30 سم، لكن كان المفروض الرصيف يتكسر منه جزء ويتعمل للعربيات طريق ترجع منه"، مشيرا إلى أنه كان هناك أكثر من 40 سيارة على مقربة من النار.

وأضاف: "عربيتي كانت إيدي ورجلي، شوفتها قدام عيني وهي بتولع، وبعد ما اتطفت شوفتها وهي حتة حديدة واقفة على الأرض وسط الدخان في كل مكان، وحتى الآن مانعرفش أي حاجة عن التعويضات، وعرفنا أن العربيات راحت قسم شرطة السلام".

من جهته، قال أحمد جمال، 33 سنة، يعمل في جامعة عين شمس، إنه كان ضمن السيارات التي لم تستطع الخروج من المنطقة التي طالتها النار: "أنا نزلت من عربيتي أول ما النار مسكت فيها"، مضيفا أنه لم ينج من هذا الحادث سوى الأشخاص الذين لم يلتزموا بالإشارات المرورية، واتخذت الاتجاه المعاكس.

انتقل جمال من مكان الحريق في الساعة 7 مساء إلى قسم شرطة الشروق، ومنه إلى نيابة الشروق التي أنهى بها التحقيق في الساعة 4:30 فجر اليوم التالي.

أما عن التأمين والتعويضات، قال: "أنا واحد من الناس مش معايا 13 ألف جنيه أدفعهم كل شهر لشركة تأمين خاصة، وخسارتي في العربية أقل بكتير من اللي كان جواها؛ لأنه كان في أوراق مهمة والرخصة والبطاقة".

وتابع: "كنا في قفص، والنار من كل حتة حوالينا، وكله طبعا بيقول نفسي نفسي"، ويتذكر جمال مواقف أثناء الحريق: "حصل قدامي واحدة بتقول لجوزها انزل انزل، حلف بالطلاق مش هينزل من العربية، وفضل يزعق ويقولها العربية موديل السنة وعليها أقساط، ومانزلش غير لما النار دخلت جوه العربية".

فيروس كورونا حالات الإصابة السعودية العناية المركزة

أسعار العملات

العملة شراء بيع
دولار أمريكى 30.8414 30.9386
يورو 33.1144 33.2311
جنيه إسترلينى 38.6967 38.8310
فرنك سويسرى 34.9241 35.0499
100 ين يابانى 20.5514 20.6202
ريال سعودى 8.2235 8.2498
دينار كويتى 100.0858 100.4336
درهم اماراتى 8.3968 8.4239
اليوان الصينى 4.2869 4.3013

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 بيع 4,114 شراء 4,149
عيار 22 بيع 3,771 شراء 3,803
عيار 21 بيع 3,600 شراء 3,630
عيار 18 بيع 3,086 شراء 3,111
الاونصة بيع 127,954 شراء 129,021
الجنيه الذهب بيع 28,800 شراء 29,040
الكيلو بيع 4,114,286 شراء 4,148,571
سعر الذهب بمحلات الصاغة تختلف بين منطقة وأخرى

مواقيت الصلاة

الجمعة 09:25 صـ
19 رمضان 1445 هـ29 مارس 2024 م
مصر
الفجر 04:20
الشروق 05:48
الظهر 11:60
العصر 15:30
المغرب 18:12
العشاء 19:30

استطلاع الرأي