GO MOBILE version!
الأحد 19 نوفمبر 2017 م 12:19 مـ بتوقيت القاهرة 29 صفر 1439 هـ
ديسمبر1120155:58:34 مـصفر281437

رنا إبراهيم تكتب: جمعية المرأة المتوحشة

رنا إبراهيم تكتب: جمعية المرأة المتوحشة
ديسمبر1120155:58:34 مـصفر281437
منذ: 1 سنة, 11 شهور, 7 أيام, 18 ساعات, 20 دقائق, 34 ثانية

انتوا عارفين ليه فيه جمعيات حقوق المرأة وكلنا كستات بندور علي المساواة وحقوقنا في مجتمعنا وعمرنا ما سمعنا عن نفس الجمعيات الحقوقية للرجالة؛ مش عشان هم واخدين حقهم اكتر مننا..لا... عشان احنا كستات نحب نعيش دور الضحية والاحساس بالظلم. عارفة ليه؟ عشان احنا اتربينا ونشأنا في مجتمع بيحسسنا دايما اننا الاضعف لدرجة اننا بقينا نحب نحس بالضعف. بقي عندنا صورة نمطية في عقلنا الباطن اننا "مكسورات الجناح". طيب مافكرتيش قبل كدة ازاي انت الاضعف وانت بتشتغلي وتكملي دراسات عليا وزوجة وأم (وما تشتمل عليه مهام الزوجة والأم) ده غير ان دماغك بتفكر في الف حاجة في نفس الوقت ومش بتتعبي.. حتي لما بتتعبي ما بيهمكيش وبتعملي شغلك عادي جدا - علي عكس الرجل اللي بيقوم بمهمة واحدة او اتنين بالكتير ولو جاله شوية برد بينهار وحياته تقف!طيب مفكرتيش ان الست في مجتمعنا بقت بتقوم بدور الراجل والست في نفس ذات الوقت وعادي مكملة وعايشة! انت عارفة ان الكائن الانثوي المصري الوحيد اللي عمره مايعيش لوحده- لازم يبقي طالعلها حد يشاركها كل لحظة في حياتها (اما اب او اخ في مرحلة الطفولة والمراهقة وحتي سن الزواج او زوج متعرفش تتحرك خطوة من غير مساهماته وتعليقاته اللي مالهاش اخر، بالاضافة الي ابن او بنت بيقوم بدور التوأم الملتصق الي ابد الدهر) ورغم كدة بتمارس حياتها عادي لانها مضطرة، فما باليد حيله.وبعد ده كله يرجع المجتمع يقولك الست هي الكائن الضعيف. انتِ مش ضعيفة. انت قوية- قوية اوي. قوية نفسيا وذهنيا وجسمانيا. قوية بإرادتك وقوية بمشاعرك. دلوقتي فكري كدة وشوفي مين اللي بجد محتاج جمعيات حقوقية تدعمه؛ الرجالة ولا الستات؟.

أُضيفت في: 11 ديسمبر (كانون الأول) 2015 الموافق 28 صفر 1437
منذ: 1 سنة, 11 شهور, 7 أيام, 18 ساعات, 20 دقائق, 34 ثانية
0
الرابط الدائم

التعليقات

21912
شارك برأيك
تويتر
الأكثر قراءة
استطلاع الرأي
هل تعتقد أن مجلس النواب الحالى يوافق الارادة الشعبية ؟
رئيس التحرير
آخر الأخبار