فرحة كبيرة اجتاحت شوارع مصر، أمس الأول، مع قرار المحكمة الإدارية العليا بمصرية الجزيرتين، تيران وصنافير، إلى الحد الذى جعل الكثيرين يتسارعون للتعبير عن سعادتهم، بطريقتهم الخاصة، كلٌّ فى مجاله، بدأتها الدكتورة سمر على، طبيبة الأسنان، التى نشرت عبر صفحتها الشخصية على موقع التواصل الاجتماعى «فيس بوك»، تهنئ المصريين على حكم المحكمة، وتعرض أن يكون الكشف الطبى مجاناً فى عيادتها الخاصة لمدة أسبوع أصحاب المبادرات يعلنون عروضهم على السوشيال ميديا وتقول سمر، التى تعمل أيضاً كاتبة ومدربة حكى: «كنت واقفة بشرب عصير مع حد من صحابى بعد قرار المحكمة، وهزر معايا وقالى المفروض الراجل ده يوزع العصير ببلاش كاحتفال، لقتنى بقوله أنا مش هعرف أوزع عصير، لكن أقدر أوزع كشف». توافد المرضى على عيادة سمر التى قررت أن تكافئ المرضى مكافأة أكبر بوضع خصومات ما بين 5 و10% على الإجراءات الطبية المختلفة، وتقول: «ناس بعتتلى تقولى هو الكشف بس اللى هيكون مجاناً؟ فقولت أزود اللى بعمله عشان الناس تفرح أكتر». «إحنا بقالنا كتير مفرحناش، وكنا محتاجين حاجة مشتركة تفرحنا، وكل واحد يحتفل بطريقته»، كان هذا السبب الذى جعل سمر تبادر بمجانية الكشف، والتى تلتها العديد من المبادرات. حتى المرضى الذين لم يروا «البوست» الذى نشرته «سمر» لم يدفعوا أى مبلغ أثناء الكشف، وتقول: «واحد جه ومكنش شاف البوست ومخلتهوش يدفع وانبسط جداً». أصحاب المبادرات يعلنون عروضهم على السوشيال ميديا وبعدها فقرر الدكتور خالد شبراوى، طبيب أسنان، أن يحتفل بالحكم وكتب عبر صفحته الشخصية «فيس بوك»: «الكشف النهارده مجاناً وخصم 10% على الإجراء الطبى، طبعاً بمناسبة الحكم بمصرية تيران وصنافير». ويقول: «أنا حبيت أدى أهمية للحكم، وميعديش كده وخلاص، قولت أوثق الحدث، وإن الناس تعرف الجزيرتين، فى ناس مكانتش تعرف أصلاً إن فيه حكم، ويخلى الناس تفكر إن واحد زيى إيه مصلحته بإنه يعمل كشف مجانى، ويخسر فلوس غير إنه فرحان بالأرض وإنها مهمة لينا». إعجاب بالفكرة، ومن ثم تنفيذها فى مجال العمل الخاص بكل شخص، هذا ما حدث لكل من رامى يوسف، مهندس الكمبيوتر، ومحمد عواد، المحامى وصاحب مكتب للاستشارات القانونية. عرْضُ رامى شمل مجانية الصيانة والتركيب للأدوات التكنولوجية، وخصومات على قطع الغيار، لمدة أسبوع، ويقول: «لما شوفت بوست سمر حسيته لطيف، وقولت نفرّح الناس بإن أرضنا لسه معانا، وناس كتير جاتلى وكلمتنى عشان صيانة وتركيب». أما محمد عواد، المحامى، الذى قرر أن تكون الاستشارات القانونية فى مكتبه مجاناً لمدة أسبوع، و20% خصمًا على أتعاب القضايا التى سيتولاها خلال هذة الفترة، يقول: «آه، الموضوع مكلف بس عادى ده تمن الفرحة، ما هى الفرحة مش ببلاش، كأننا بنعمل زى الناس اللى بتعبر عن فرحتها وتوزع حاجة ساقعة، أنا بقى بوزع قضايا».