طريقة عمل إنشيلادا اللحم

طبق من المكسيك

المقادير

• 6 x عدد تورتيلا

• 3 x معلقة كبيرة زيت عباد شمس

• 3 x معلقة كبيرة بابريكا

• 2 x عدد فص ثوم مهروس

• 2 x كوب عصير طماطم

• 2 x عدد بصلة مفرومة (متوسطة)

• 1 x معلقة كبيرة صلصة طماطم

• 1 x كوب جبنة شيدر (برتقالى)

• 1 x كوب جبنة شيدر (صفراء)

• 1 x معلقة صغيرة كزبرة جافة مطحونة

• 1 x معلقة كبيرة زعتر مجفف

• 1 x علبة فاصوليا حمراء

• 1 x معلقة صغيرة ريحان

• 1 x عدد فلفل أخضر حلو (مقطع صغير)

• 1 x عدد مكعب مرقة دجاج

• ½ x معلقة صغيرة فلفل اسود مطحون (أو حسب الرغبة)

• ½ x معلقة صغيرة ملح (أو حسب الرغبة)

• ¼ x كيلو لحمة بتلو (شرائح رفيعة أو لحم مفروم)

الخطوات

1. فى إناء على النار نضع الزيت والبصل ونقلب حتى يصفر لونة.

2. ثم نضيف الثوم ونقلب.

3. ثم نضيف اللحم الشرائح ونقلب وتترك مدة عشر دقائق على نار هادئة.

4. ثم نضيف الفلفل الأخضر والفاصوليا الحمراء وتتبل بالملح والفلفل ونقلب مدة خمس دقائق ثم ترفع من على النار.

5. لتحضير صوص الإنشيلادا فى وعاء على النار نضع معلقة من الزيت و القليل من البصل ونقلب حتى يصفر لونها ثم نضيف الكزبرة الجافة والملح والفلفل الأسود والريحان والزعتر المجفف.

6. ثم نضيف الثوم والبابريكا ونقلب حتى تفوح رائحة التوابل ثم نضيف عصير الطماطم وصلصة الطماطم ومكعب مرقة الدجاج ونقلب ثم تترك على النار لمدة ربع ساعة حتى يسمك الصوص.

7. نحشى كل رغيف من العيش التورتيلا بجزء مش حشوة اللحم والفاصوليا الحمراء ثم نوزع فوق الحشوة معلقة من صوص الإنشيلادا ثم يلف الرغيف جيدا ويرص فى صينية.

8. يوزع باقى الصوص فوق أرغفة الإنشيلادا ثم توزع الجبن ونضعها فى الفرن عند درجة حرارة 180 حتى تسيح الجبن ثم تقدم بالهنا والشفا.